【千禧新世界香港酒店❗❗一價包3餐🔥🔥🔥入住報告！】$1,300起包住宿一晚 + 房內下午茶 + 午餐/晚餐 + 自助早餐！
👉優惠詳情及Menu：flyformiles.hk/35260
🎁預訂網址：https://bit.ly/3DrQkGy
呢間酒店我都好耐無嚟過了！上一次已經係我中學時喺到擺Grad Din啦！個陣仲係叫日航酒店添呀！今次嚟就係因為有個超抵package！$1,300起包住宿一晚 + 房內下午茶 + 午餐/晚餐 + 自助早餐！當中午餐同晚餐可以選擇：
- 午餐：中菜桃里 / 日本菜嵯峨野/ 法國菜La Table French Brasserie / Café East自助午餐
- 晚餐：中菜桃里 / 日本菜嵯峨野/ 法國菜La Table French Brasserie / Café East自助晚餐
咁我今次就加錢住咗豪華海景客房 (因為想望下田田橋haha) 同埋揀咗食自助晚餐！再加錢食多個嵯峨野午餐！
另外，酒店仲接受消費券計劃付款，可以用八達通、Alipay、Tap & Go同WeChat Pay比錢㗎！咁就可以兩個優惠一齊用啦！
🍜 嵯峨野
前身係日航酒店，我當然要試下佢啲日本野啦！嵯峨野個set lunch係食鰻魚既，當中成個set 已經包晒前菜、天婦羅、魚生、麵豉湯同甜品等等！當然非常抵食！食完都已經幾飽下，哈哈！
🍰 房內下午茶
抖下之後大約4-6點左右就可以安排酒店送個房內下午茶俾你繼續食！點解我要加錢住豪華海景客房，就係因為我要對住個海景食個tea呀！哈哈！真係有個海食個tea係Chill好多架！另外個tea仲可以自選2杯飲品既～食完又係勁鮑！哈哈！
🏊♀️ 游泳池
食到咁飽就去泳池行下！千禧新世界香港酒店係一個直池咁既，唔會彎彎下要你識轉彎先游到水，所以真係想游水都幾唔錯！仲有2隻大吹氣公仔喺到俾大家打卡或者俾小朋友玩！側邊亦有一大堆沙灘椅，唔游水上去曬下太陽都幾好！我去個日就係勁好天呀！
🍲 自助晚餐
嚟到戲肉Dinner Buffet 啦！千禧新世界香港酒店個Dinner Buffet 雖然無大家最愛嘅生蠔，但佢野食種類都幾多！講下冷盤先，魚生、龍蝦、中蝦、翡翠螺、小龍蝦、青口等等都有！然後又有鐵板燒海鮮！可以燒大蝦、三文魚、和牛牛扒同羊架！仲有芝士焗龍蝦、蒜蓉粉絲扇貝等等！熱盤都好豐富架！乳鴿、豬手、乳豬、鮑魚、串燒都有！即刻切俾你添呀！亦有個corner係啲印度野黎！岩啲鍾意食咖喱嘅朋友！湯都有幾款！有一中一西，同埋另外有一個燉湯、泡菜湯同冬陰公湯！甜品仲誇張呀！有不斷出爐既心太軟外，之後仲有起碼5種味嘅Haagen-Dazs，仲有Yoghurt雪糕！沙翁、芒果糯米飯等等，更加係有種即叫即整嘅甜品，檳城薄餅係佢地既招牌甜品黎架！個buffet可以由6點半食到9點半，真心超抵食呀！
🍎 自助早餐
訓醒一覺就到食早餐了！早餐都好多野食架！有noodle bar，一大堆點心，炒麵呀粥呀等等！一堆唔同嘅麵包都唔少得啦！仲有即整嘅pancake！同埋有我好多fd都好鍾意嘅茄汁焗豆呀！
呢個package如果你星期一至四check out，仲可以late check out到3pm！(視乎酒店供應情況) 一個價錢食咁多野，都真心要hea下酒店再訓下啦！不過記得所有自助餐嘅食物款式都係視乎當日供應情況而定㗎！
另外唔好唔記得午餐同晚餐都可以揀佢地嘅中菜同法國菜餐廳架！我睇過中菜個menu都唔錯架！你地如果試完記得要話我知呀！
Search